Ngokuhambelana nesibhengezo esenziwe nguMongameli nge-15 Matshi 2020, izikolo ziya kuvalwa ukususela nge-18 Matshi 2020 kwaye ziya kuvulwa kwakhona ngomhla we-14 ku-Epreli 2020. Esi sigqibo sixelelwe zizilumkiso ezinikwe liZiko leSizwe lezifo eziSasazekayo kunye noMbutho wezeMpilo weHlabathi Iqaqambise ukonyuka kokosuleleka elizweni kwithuba leentsuku ezintathu. Izikolo ziye zachongwa njengeendawo ezinomngcipheko omkhulu onokuthi usasaze izifo ngokulula. Ngesi sizathu la manyathelo alandelayo njengoko kubonisiwe ngezantsi abekiwe.

Kuya kulandelwa iinkqubo ezifanelekileyo zokulungisa ngokusesikweni ikhalenda yesikolo ukubuyisa iintsuku ezilithoba zokuhamba isikolo. Ukufumana kwakhona inkqubo yokufunda, iholide kaJuni 2020 iya kuncitshiswa ngeentsuku ezisixhenxe (7) zesikolo kwaye iholide kaSeptemba 2020 iya kuncitshiswa ngeentsuku ezimbini (2) zesikolo.

Yonke imisebenzi esekwe esikolweni nengafunekiyo efuna ukuhlanganiswa kwabafundi abangaphezu kwekhulu iya kuthotywa, imiswe okwexeshana okanye imiselwe omnye umhla.

Ezi nkqubo zilandelayo ziphakathi kwezo ziza kuchaphazeleka:

1. Upelo BEE;
2. ABC Motsepe South African Schools Choral Eisteddfod (SASCE);
3. Inkundla Yeemvakalelo;
4. Iimbaleki zezikolo;
5. Iindibano esikolweni; kwaye
6. Iikampu zezikolo.

AmaSebe eMfundo amaPhondo, izithili kunye nezikolo ziyacetyiswa ukuba zisebenzise eli xesha kwaye ziyakhuthazwa ukuba zisebenzise eli xesha ngokufanelekileyo ngokuqinisekisa ukuba abafundi bathatha inxaxheba kwiinkqubo ezikhuthazayo ezifana ne-Read to Lead programme, abahlobo bezibalo, ii-asayimenti ezakhayo zeholide, njl. ukubeka iliso nokukhokela abazali kunye noluntu ngokubanzi ngelixa abafundi besekhaya. Oku kuya kuba
ixhaswe ngokubonelelwa ngeencwadi zomsebenzi, amaphepha okusebenzela, abafundi, njl.

ISebe leMfundo esiSiseko liza kubonelela ngezikhokelo ezikolweni / kwiinkampu zeeholide ukuqinisekisa ulungelelwaniso nesiBhengezo sikaMongameli ngemeko yentlekele eMzantsi Afrika. Ngeli xesha lokubhengezwa kwemeko yentlekele, imeko iya kubekwa esweni yonke imihla kwaye ukwaziswa rhoqo koqhagamshelwano kuyakwenziwa ngokusebenzisa ijelo elinye lonxibelelwano eliququzelelwa liSebe leMfundo esiSiseko.

Esi sikhokelo sisekwe kwinto eyaziwayo ngoku malunga nokusasazwa kunye nobukhali besifo se-coronavirus 2019 (COVID-19). Isikhokelo siya kuhlaziywa njengoko kuvela ulwazi olutsha. Nceda ujonge iZiko leSizwe leZifo eziSasazekayo (i-NICD) kwiwebhusayithi (www.nicd.ac.za) ukufumana isikhokelo esihlaziyiweyo. (Umthombo: www.education.gov.za)